منتديات شبابيك نت

إنترنت مجاني,كمبيوتر,وموبايل,برامج,هاكر,تصميم مواقع,تعريب برامج,دورات تدريبيه,إيميل,تصميمات,أخبار,ألعاب,شبكات,عروض وأخبار شبكات المحمول,اربح من الانترنت,كل ما هو خاص بالأنترنت,شات ودرشة,فيديو,صوت,كتابه,خدمات,مجانا,
 
الرئيسيةالرئيسية  مكتبة الصورمكتبة الصور  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 كل شئ ع التشطيبات

اذهب الى الأسفل 
كاتب الموضوعرسالة
Admin
Admin
Admin
avatar

عدد المساهمات : 188
تاريخ التسجيل : 28/03/2012
الموقع : http://shababeknet.yoo7.com

مُساهمةموضوع: كل شئ ع التشطيبات   الخميس أبريل 05, 2018 11:55 am

[size="6"]تحية وتقدير لهذا الراجل المحترم المهندس ايمن ، أبو شروق
لم أجد طريقة للتعبير عن احترامي وتقديري واعجابي بهذا الراجل
إلا تجميع غالب ما قاله من خبرات ونصائح واجوبة على استفسارات
وعرضه كالتالي ... اكرر شكري وتقدير لشخصك الكريم المحترم اخ ايمن


تحفة السالك في درب متاهات السباكة والمسالك
من
روائع أبو شروق


فى مجال الاعمال الصحية والسباكه
اولا تأسيس الصرف ومياه الشرب
الخاصه با لعمارات والفيلات والشقق
من افضل المنتجات المستخدمه فى تنفيذ أعمال الصرف
1- مواسير ولوازم الشريف(الامل)
2-مواسير ولوازم سمارت هوم (الشركه المصريه الالمانيه)
3-مواسير ولوازم كيسيل (الشركه المصريه الالمانيه)

من افضل المنتجات المستخدمه فى تاسيس مياه الشرب
1-مواسير ولوازم (أكوا ثيرم)بولى بروبلين المانى مستورد
2-مواسير ولوازم(باننجر)b.rبولى بروبلين المانى مصرى
3-مواسير ولوازم (الشريف)بولى بروبلين

ثانيا مواد عزل ارضيات الحمامات
1- عازل أرضيات على البارد (سيروبلاست) شركة كيماويات البناء الحديث
2-عازل أرضيات على البارد(سيروتكت)شركة كيماويات البناء الحديث
3-عازل ارضيات على البارد(بيتو)الشركه المصريه الالمانيه

ثالثا البانيوهات وافضل الانواع
1-ايديال استاندر(اكليرك)فيبرجلاس
2-ديورافيت (اكليرك) فيبر جلاس
3-فرنك سامى (صاج مطلى صينى)
4-جازيل (زهر مطلى صينى)
النوع 1-2 متوفر منهم اشكال كثيره منها يتم تركيبه قبل السيراميك ومنها يتم تركيبه بعد السيراميك ومنها الجاكوزى وده اغلاهم ثمنا

رابعا الخلاطات والمحابس واكسيسوارات التشطيب

افضل الانواع بالترتيب المتوفره بالاسواق المصريه

1-هاينز جروهى (يوجد منه المانى اصلى ويوجد اتحاد اوروبى والاثنين ممتازين ومنجاته كثيره خلاطات ومحابس شطاف وسمعات ومساطر دش
2-ايديال استاندر (امريكى مصرى وكالسابق له منتجات عديده وضمان محترم
3-فراب (أيطالى )
4- عبده حنفيه (هو ده أسمه بس منجاته كويسه)
5-جولد

1. ( الغالى رخيص ) بمعنى لاتبخل على اللوازم المطلوبه وذلك لأن اللوازم الغاليه ثمنها فيها ويكفى انها معمره ولا تحتاج صيانه من الحين والاخر

2. المنيجا او جلبة السلطانيه التواليت
وهى عباره عن وصله بلاستك 4بوصه وظيفتها التوصيل من التواليت الى الصرف بالحائط ويوجد منها انواع كثيره يتم تركيبها بالسيكون او الاسمنت الابيض ومع الوقت يتم التسريب خلف التواليت منها وبالمناسبه السيلكون الشائع الاستخدام سواء شفاف او ابيض غير صالح وافضل الانواع تطلب من البائع سيلكون معالج ضد البيكتريا يوجد منه اماراتى والمانى الاثنين كويسين لاصق قوى ولا يحدث سواد بعد فتره
نرجع للمنيجا - جلبة السلطانيه - يوجد نوع ممتاز موجود بالمحلات الكبيره صنع فى امريكى او ايطالى وسعرها من 30 الى 50 جنيه
بتركب دون الحاجه لاسمنت او سيلكون وهى عباره عن سوسته من الكاوتش


3. حنفية الغساله الاتوماتيك
برغم بساطة استخدامها وعدم الاهتمام بها لاكن تؤدى الى خسائر على المدى البعيد دائما تظل حنفية الغسالة الاتوماتيك فى وضع الفتح لأن البروجرام وطلمبة المياه بالغساله يقومان بلفتح والاقفل اتوماتيك مع تشغيل الغسالة ولذلك أنصحكم بتركيب حنفية غساله بالفلتر وذلك لحجز اى شوائب عالقه بالمياه مثل الرمال والصداء مهما كانت منطقة سكنك لأن المياه بمصر وشبكات المياه لايتم صيانتها بالطريقة المطمأنة للاستخدام وذلك للمحافظه على طلمبة مياه الغسالة مع العلم ان كل خرطوم دخول المياه للغساله يوجد به فلتر مصفاه يجب تنظيفه بين الحين والاخروأيضا الفلتر المصفاه الموجود بالحنفيه والاستفاده من ذلك هو اطالة العمر الافتراضى لطلمبة مياه الغساله
مع العلم ان سعر الحنفيه العاديه من 10 الى 20 جنيه وسعر الحنفيه بالفلتر المصفاه من 20 الى 30 جنيه الفرق بسيط لاكن الاستفاده أكبر


أحدث خلاطات الدش : وهو خلاط يقوم بضبط درجة حرارة المياه المطلوبه لاستحمام تقوم بتحديد درجة حرارة المياه عن طريق مقبض مثل مقبض قفل وفتح المياه مرفق صور لشكله ويوجد منه انواع كثيرة يتراوح سعره من 1000 الى1500 وشركة ايديال استاندر اطلقة عليه اسم
سيراثيرم وذلك لانه يعتمد فكرته على ثيرموستات

حوض المطبخ : وطبعا هو فى كل منزل دائم السدد وذلك يحدث دون قصد من سيدة المنزل أثناء تأدية الواجبات المنزليه من أعداد الطعام أو غسل الاوانى يتساقط بواقى الطعام فى فتحت الصرف دون قصد وهذا يؤدى الى سدد الحوض أولا انصح بعد أستخدام الحوض فى غسيل الاوانى وتكون كميه كبيره بعد عزومه كبيرة او فى ايام رمضان الجميلة المليئه بالوجبات الدسمه أن تفعل الاتى وهوتسخين مياه لدرجة الغليان مع وضع كميه من الملح أثناء الغليان وبعد ذلك تقوم بسكب الكميه كلها بالحوض تعمل المياه الساخنه والملح على أذابت الدهون بمواسير الصرف وهذا يتكرر بأستمرار النتيجه عدم أنسداد صرف حوض المطبخ نهائيا ويجب وضع مصفاه دائما كما هوموضح بالصوره لحجب بقايا الطعام وتنظيفها باستمرار

نصيحة مهمة من المهندس : ايمن

مسلوب كاوتش بيركب كهمزة وصل بين كوع الحوض والصرف بالحائط وذلك بدل استخدام السيلكون والاسمنت وهويركب نسبت شحط بين الصرف الخاص بالحوض والماسوره الخاصه به بالحائط ويوجد منه مقاسات مختلفه لحوض الوش 50مم *32مم
لصرف الغساله الاتوماتيك 50مم*32 لحوض المطبخ 50مم*40مم وسعره من 2جنيه الى 3جنيه أد أيه هو بسيط ورخيص وسهل التركيب وفوائده فى أعمال الصيانه يمكنك من فك كوع الحوض وغسله وتركيبه مره أخرى دون الحاجه لاسمنت او سيلكون.

محابس الزاويه - الشائع باسم محبس الشطاف : أستخداماته يستخدم لتوصيل المياه للكومبنيشن (التواليت وصندوق الطرد ويستخدم أيضا للتركيب على مصادر مياة البارد والساخن لحوض الوش وأيضا لمصادر السخان
ومصدر الفلتر
ويوجد منه أنواع كثيره جدا ويتراوح أسعاره من 10جنيه الى 150جنيه وطبعا أعلى سعر للهاينز جروهى الالمانى
ويوجد منه أيديال أستاندر وسعره تقريبا 75 جنيه ولاكن رأى الشخصى انه قليل ألاستخدام لذلك أى نوع يفى بالغرض والاشكال كثيره وفى الاخر الشكل يرجع للعميل لانه أصبح من الكماليات - فى القديم كان يستخدم بكثره ويتلف كثيرا فى شطاف التواليت ولاكن التواليتات الحديثه أصبحت بشطاف داخلى مقبضه من الجانب مستقل بذاته لذلك محبس الزاويه لا يستخدم غير فى الاعطال لاقدر الله

المحبس العمومى
وظيفته هى غلق المياة من مصدر التغذيه الرئيسية المغذيه للوحدة السكنيه يجب ان يكون من نفس نوع المواسير البولى بروبلين
المستخدمه فى الحمام أوضح لحضرتك أن أفضل الانواع بالسوق
1- الاكواثيرم (المانى )مستورد سعره غالى شويه
2- باننجر b.r (المانى مصرى) سعره معقول أفضله
3- الشريف (مصرى )
ولذلك يجب ان يكون نوع المحبس من نفس نوع المواسير والوازم واسمه محبس دفن والقطر المستخدم للحمامات
20مم او 25مم

لماذا يجب أن يكون المحبس من نفس نوع المواسير
من شروط ضمان الشركه للاعمال المنفذه فى الحمامات والمطابخ
قبل ان ياتى المبلط لتركيب السيراميك يقوم الفنى او العميل بالاتصال بالشركه صاحبة المنتج لارسال مندوب لعمل أختبار للاعمال الذى تم تنفيذها وأختبارها وأعطاء العميل شهادة ضمان 10سنوات على الاعمال

صرف الحوض
الاسم العلمى هو سيفون حوض والاسم الشائع هو كوع حوض - ويوجد منه نوعان الاول كوع حوض نيكل كوبايه
الثانى كوع حوض سوسته بلاستك لكن الافضل كوع حوض سوسته نيكل (جديد) سعره من 20 الى 25 جنيه وصيانته افضل وسهله

حنفيه الغساله وصرفها مقاساتهم
اولا حنفيه الغساله ارتفعها من الارض 35سم وهو ارتفاع شرب مواسير المياه البارده بالنسبه للغساله الاتوماتيك وارتفاع الصرف من 70 سم الى 75 سم من وش سيراميك الارضيه

طابق البانيو
لايوجد شىء خالى من الاعطال لذلك نفضل فى الاماكن المدفونه أستخدام أفضل الخامات لأن فعلن الغالى رخيص لانه معمر
ومن أفضل أنواع الطوابق هو الالمانى وسعره 250جنيه تقريبا وللاسف معنديش صور ليه ولذلك يجب شرائه من تاجر مصدر ثقه لكثرة وجود البضائع المقلدة

سقية السيراميك بلاسمنت الابيض للفواصل (العرانيس)
يتم تلوين الاسمنت الابيض ب بودرة أوكسيد موجوده عند الموان ويوجد منها الوان كثيرة وكميه قليله منها تغمق الون المطلوب
يجب أضافتها بنسب لحين الوصول للون المطلوب ويراعى ان عند الجفاف اللون يفتح درجتين البودره هذه ايضا يستخدمها الاسترجى لتلوين المعجون للموبيليا
(عزل الحمامات والنافورات وحمامات السباحه)
من أفضل الانواع الموجوده بالسوق (بيتو كوت )بيتومين مؤكسد انتاج الشركه المصريه الالمانيه لكن للاسف بالصدفه وجدت نوع مغشوش وغير لافت لنظر من شدت التقليد فوجب على ان أحذركم وذلك لقلت الضمير لدى التجار مرفق صور تبين النوعان وطبعا الاصلى انتاج الشركه المصريه الالمانيه والتقليد الالبانيه
ده الأصلي


ده التقليد


تثبيت الجوايد والمسامير بالأرضيات الخرسانية والأسفلت
وهى من شركة هيلتى الألمانية وانا شخصيا جربتها ممتازه بس للاسف معرفش السعر كام بالضبط لاكن هى موجوده عند توكيل هيلتى بشارع الجمهوريه واليكم بعض الصور للماده وطريقة تثبيت عمود او يفطه بديل للاسمنت


دهان البانيو الزهر
محولتش أجربه قبل كده وذلك لعدم أقتناعى بثبوت أى مواد دهانات على الصينى خصوصا انه معرض للمياة الساخنة والصابون والشامبو والمنظفات التى تحتوى على مواد كاويه لكن فى زبون عندى من فترة طلب منى ان ادهن البانيو عنده وانا رفضت واتصل بيه وقالى ان هو لقا مادة بتتباع عند محلات دارى فى شارع الهرم مخصصه للغرض ده وانه دهن البانيو وبقا رائع لاكن انا بصراحة مشفتوش
بعد تركيب السيراميك بالحمامات والمطابخ
يتم تشطيب وتركيب الاحواض والاكسسوارات ومعظم اللوازم يتم التركيب بالشنيور وتثبت بالمسامير وعند ذلك يجب ان يكون الفنى الى مأسس الشغل هو الى يشطب او صاحب المكان يحضر تركيب التأسيس والتشطيب لمعرفة منسوب وخط سير المواسير لأن فى صنيعيه بتغلط وممكن تخرم المواسير فى الحوائط دون ان يشعر ويؤدى لكارثة تسريب المياة فى الحوائط

القاعدة المعلقه والحوض المعلق
هما فعلا عمليين بس لو فى أطفال أشقيه مفضلهمش لأن الطفل عنده حب أستطلاع والانواع دى وأى نوع أخر يجب ان يستخدم بحرص يعنى مثلا الطفل عاجبو منظر الحوض يتعلق فيه وده خطاء ومثلا عند استخدام الحوض للوضوء وعند غسل القدم تبقا بحرص مش رزع
وعلى فكرة الايديال والديورافيت مستوى واحد ويرجع الرائ النهائى للعميل لأختيار التصميم مسألة أزواق

للحوض المعلق
يجب مراعات المسافه بين مصادر المياة البارد والساخن وفتحة الصرف ارتفاعها من مستوى الارض 55سم اما المسافه بين مصادر المياة فحسب نوع الحوض الى حضرتك هتجيبوه عشان حجم الركبه بيختلف كبيره او صغيرة وده بيقوم بيه الفنى قبل التشطيب أثناء عملية التأسيس للمواسير الخاصه بالحمام - ومراعات المسافاة والابعاد لأن يجب عند التشطيب تكون كل الوصلات داخل الركبه

قاعدة التواليت المعلقه
أهم شىء وكل شىء بالنسبه للقاعده المعلقه هو الابعاد فى تثبيت الشاسيه وفتحت صرف التواليت
ويجب تثبيت الشاسيه بالحائط والارضيه الخرسانه بالفشر الخاص بيه مع مراعات الابعاد بدقه ومنسوب شيرب بلاط الارضيه والحوائط
كل المرحله السابقه مرتبطه أيضا بتركيب صندوق الطرد(السيفون ) الغاطس داخل الحائط أرتفاعه وعرضه
ويوجد منه أيضا ديورافيت وأيديال وجروهى ألمانى وسعره من 1000 الى 1300 تقريبا

المواسير الملونه أو الشفاف قطر 4 بوصة

أضاءة الخلاطات (نور يركب على الخلاط)
هى مش متوفرة بمصر لكن فى زبون عندى كان جايبها معاه من ألمانيا وهى عبارة عن لمبات ليدات قويه وشكلها تحفه لكن من جهة عمليا أو لا فأنا لا أستطيع ان أحكم عليها

مقارنة بين بانيو اكليريك دورافيت 120 - وبانيو صاج فرانك سامى
للاثنين مميزات وعيوب
الاول الاكليرك ديورافيت
مميزاته تصميماته وأشكاله وألوانه
عيوبه سوء التركيب وعائد على الصنايعى لأن بعض الصنيعية لا تخدم البانيو كويس
من حيث الارضيه يجب أن تركب على مونة لبانى (سائلة نوعا ما) وكبس البانيو رمال ناعمة
(مهزوزه)وخالية من الزلط الصغير وذلك للحفاظ عليه من الصدمات والاستخدام المتكرر
للاوزان الثقيلة ولعب الاطفال
ثانيا الفرنك سامى
مميزاته قوة تحمله للصدمات
عيوبه شكله التقليدى الوانه المحدودة والذى فى معظم الالوان لا تتوافق مع لون الطقم سواء أيديال أستاندر أو ديورافيت عادة يكون أغمق أو أفتح درجة فى الون
العيب الثانى أنه أذا تعرض لصدمه وأدت ألى تقشير طبقة الصينى من على الصاج تؤدى الى صداء المكان المصاب وتلفه وأحتمال مع الاستمرار أن تتأكل وتثقب
ولذلك فأن حرية الاختيار لحضرتك شرط أن يكون الصنايعى مضمون عن رائى الشخصى الاثنين كويسين بشرطين
الاول حسن الاشتخدام والمحافظة الثانى مراعات الضمير فى التركيب

طابق بانيو أتوماتيك
له أسماء كثيرة مثل فايز البانيو أو صرف البانيو وهو الجزء المسئول عن تصريف المياة من البانيو وأيضا التحكم فى سد البانيو لملأه بالمياه للاستحمام وكان فى القديم عبارة عن سدادة كاوتش بسلسله معدن أما الجديد عبارة عن مقبض يركب فى المكان الموضح بالصورة يتم من خلاله التحكم فى سد البانيو أو تصريف المياه منه ومن أفضل الانواع الالمانى والايطالى ويتراوح سعره من 250 الى 300 جنيه ومتوفر فى المحلات الكبيرة أمثال السلاب أو المحجوب أو النيلين
مواسير ولوازم باننجر وأكو ثيرم
أشتغلت بهم كثيرا ولا تظهر لهم أى عيوب وشركة الشريف الامل أنتجت أيضا مواسير ولوازم بولى جربتها ممتازة مثل البننجر والاكوا ثيرم
أما البحر الاحمر جربت مواسير ولوازم الصرف بتاعته جيدة جربتها فى شغل قليل وأنتاجه للبولى حديث بالنسبة لى وعلى فكرة أرخص فى السعر عن البننجروالشريف
أنواع مواسير البولى بروبلين
فعلا صديق حضرتك على حق فى أن الاكوا ثيرم من أفضل الانواع بمصر وهى ألمانى الصنع أستيراد شركة أولاد حمزة
وفعلا سعرها غالى ومتفاوت كثيرا عن مثيلاتها مثل مواسير ولوازم بننجرbrالمصرية الألمانية وأيضا مواسير ولوازم الشريف (الامل)
وهم أقل بكثير فى السعر لكن كرائى شخصى هم أحسن الرخيص وأيضا معتمدين من ناحية الكفاءة
عزل الارضيات
فأهميته للحفاظ على المكان من الرطوبة الناتجة عن أستخدام المياة فى الحمامات وخاصتا المياة الساخنة الناتج عنها بخار ولكن من رائى الشخصى أن الفنى الذى لا يراعى ضميره فى التأسيس الخاص بمواسير المياه والصرف فا العازل لا يصلح عيوب التركيب الناتج عنها تسريب مياه بل العازل سوف يحافظ على أرضية الحمام فقط لكن تسريب المياة سوف يمتد من خلال الرمال أسفل البلاط لباقى سقف الشقة
لذلك أنصح بالتأكد أولا من مهارة الفنى القائم بالاعمال وأختبار المواسير جيدا أما العازل فلا مانع من أستخدام العازل على البارد سواء
البيتوكوت أنتاج المصرية الالمانية أو سيروتكت أنتاج شركة كيماويات البناء الحديث أو السيروبلاست أنتاج شركة كيماويات البناء الحديث وهذا النوع خاص بالاسطح المعرضة للحرارة مثل أسطح المباني اما عن النوع الى حضرتك ذكرته فهو يسمى
أنسومات وهى عبارة عن لفف مطاطية سمك 3مم و4مم ويتراوح طول الفه من 10 الى15 متر طولى وعرضا 1 متر
وأسعارها من 120 جنيه الى200 جنيه حسب جودة الشركة المنتجة

البانيو الذى يتم تركيبه بعدالسيراميك لا يصلح بدون أجناب
وذلك للمنظرالعام وللعلم سعرالاجناب غالى الثمن لكن مميزاته أكثر ومن اهمها أن لاقدر الله عند تلف صرف البانيوأو كسره لقدر الله يمكن أصلاحه دون الحاجة الى تكسيرالسيراميك أوأرضية الحمام
افضل سخانات الغاز
التوشيبا
الاوليمبيك
اليونيفرسال
الفريش
سخانات توشيبا غاز ممتازة بس مستوردة موجودة بالاسواق الحرة

رأي في أنواع المواسير واللوازم

طبعا لا يختلف أثنين على الاكواثيرم لأنه مستورد من ألمانية وأحنا عندنا عقدة الخواجة لكن سعره غالى جدا مفيش وجه مقارنة بينه وبين الشريف أو المصرية الالمانية بننجر br وطبعا البننجر والشريف أسعارهم معقولة
ولايوجد منهم مشاكل فنية لكن أنا عن نفسى بفضل البننجر br لأنه مصنع بمصر بتكنولوجيا ألمانية وطبعا الرأي الاخير لحضرتك لك حرية الاختيار فنيا لا يوجد مشاكل من الثلاثة
أفضل تواليت
التواليت الايديال والديورافيت هما أفضل الأنواع فى مصر وذلك لجودتهم وخدمة ما بعد البيع ممتازة وصيانة مجانية
عزل الأرضيات
أفضل عازل أرضيات هو أنك تنظف الارضية كويس جدا من أى أتربه ولو الارضية الخرسانية مش مستويه ممكن نعمل طبقة مونة أسمنت ورمل من 3 الى 5 سم وبعد أن تجف تماما تدهن بالعازل على البارد سيروتكت (كيماويات البناء الحديث) أو بيتوكوت(المصرية الالمانية)وبعد ذلك يلصق عليه عازل الانسومات كما هو بالصور المرفقة عن طريق التسخين مع مراعات رفع من 10 الى 15 سم على أجناب الحوائط
لفة الانسومات طول 10متر وعرض 1متر سعرها يبداء من 120 جنيه الى200 جنيه حسب الشركة المنتجة
وبعد ذلك تدهن طبقه أخرى من العازل على البارد لقفل جميع المسام








بخصوص مواسير ولوازم الشريف أختيار موفق بأذن الله
بس بعد الفنى مايخلص تأسيس قبل البلاط تستدعى الشركة بوجود الفنى المنفذ لعمل الاختبار وأعطائك شهادة ضمان على الاعمال المنفذه
والاختبار بيتم بماكينة أختبار كما بالصورة


بخصوص البانيو أختيار ممتاز ولا تخف من قدرته على التحمل أهم شىء فيه هو تركيبه بالطريقة الصحيحة لتثبيته وأتزانه على الارضية
مرفق صورة للبانيو قبل تركيب الجانب


مستوى الشرب
وده هو مستوى بلاط أرضيات الشقة وعند التأسيس للقيام بأعمال السباكة بالحمامات والمطابخ توجد مقاسات ثابته أستاندر يجب مراعاتها عند التأسيس مثل أرتفاع البانيو من الارض أرتفاع وصلات السخان
أرتفاع الخلاطات ومحابس الشطاف
ونلاحظ دائما وجود سقوط فى أرضية الحمامات عن باقى أرضيات الشقة ويجب عمل الشرب أو وزن الارضيات مع بعضها مع مراعاة نسبة الميل للبلاط
والشرب فى الشقة حديثة الانشاء يأخذ على صدفة السلم (أمام باب الشقة)أوعلى شباك البلكونة
والشرب أو الوزنة بتأخذ بما يسمى بمييزان خرطوم سوف نشرحه لاحقا
المسافة بين لاكور الخلاط تحسب من منتصف الكوع البارد ألى منتصف الكوع الساخن
وهى من 15سم الى 16سم مع مراعاى أن يكون الاثنين البارد والساخن أرتفاع واحد ميزان
مرفق صور توضح الاجابة والموجود فى الصور ميزان مياه مخصص لهذا الغرض





السؤال الثالث
مانيجا الحمام بالقاعدة(جلبة السلطانية)
لو المقصود من حضرتك أرتفاعه من مستوى الارض عند نقطة دخولها من الحائط
فا المسموح بيه من 8 ألى 10 سم
وذلك لأن أرتفاع مخرج قاعدة التواليت من الارض 13 سم أستاندر موحد
علشان عند التركيب يبقا فى نسبة ميل
لو تقصد طريق تركيبها فى التواليت
فا المنيجا الموجدة فى الاسواق المصرية أنواع كثيرة
منها العادة بدون جوان ومنها بجوان ومقاستها 30سم و50سم والمسمى التسويقى بتاعها
جلبة سلطانية 4بوصة بجوان أو بدون
ويوجد أنواع أخرى مثلا
جلبة سلطانية سوسته ويوجد منها مصرى وصينى وأيطالى وتركى
ويوجد نوع أخر يسمى جلبة سلطانية أستالس تيل
مرفق بعض الصور لجلبة السلطانية
أما طريقة تركيبها أما بالسيلكون الشفاف المعالج ضد البكتريا وده للجلبة الى بجوان
أو اسمنت أبيض فقط بدون جبس وده للجلبة العادة
أفضل بانيو أكريليك
طبعا الايديال أستاندر أو الديورافيت

التسريب
بخصوص ظهور التسريب فهو يظهر على الحوائط المحيطة بالحمام من الخارج
وتظهر بأسفل عند الجار سواء أسفل البيبه وذلك لضعف مكان تركيبها بالخرسانة وأمام باب الحمام من عند المعبرة والطرقة
مصنعية العازل على البارد لحمام 220سم150جنيه أما السخن 250جنيه

ترحيل قاعدة التواليت لمسافة قصيرة
قاعدة التواليت تترحل يمين أو شمال لمسافة 10الى15 سم عن طريق قطعة تسمى فى الادوات الصحية كوع موجة 4بوصة بجوان النوع الكويس أنتاج شركة تتونجى يتراوح سعره تقريبا من6 الى 10جنيهات وطريقة تركيبة مثل جلبة السلطانية بالضبط ولا يضر فى أى شىء

غطاء البيبة
غطاء البيبة فأنواعة كثيرة فى السوق لذلك أنصحك بشراء نوع غالى لضمان جودة طلاء النيكل كروم وعلى رائى المثال الغالى رخيص
وذلك ليصبح معمر ولا يتغير درجة لمعانه من الاستخدام تشترى البضاعة من السبتية القاهرة من محلات الجملة وهذا سوف يوفر لك فى الثمن عن أى مكان أخر
أفضل أنواع الخلاطات الموجودة بمصر
1- الهاينز جروهى
2- الايديال أستاند
وبالطبع لايوجدفرق بينهم لجودة تصنيعهم الاول صناعة ألمانية والثانى مصرى أمريكى

أفضل أنواع أحواض المطابخ
الفرنك سامى والتكا والتركى وأيضا يوجد أنواع صينى الاستالس تيل بتاعها جيد وأيضا يوجد كورى وأسبانى ممتاز
وتتراوح الاسعار من 100جنيه الى 2000جنيه حسب الموديل والشكل والنوع
بخصوص الحجم فده بيتم حسب المساحة وتقسيم المطبخ من أدوات أخرى مثال البوتاجاز والثلاجه وقطع المطبخ وطريقة وضعها وأستخدامها
بخصوص الايديال أستاند والديورافيت الاثنين ممتازين لكن أنا بفضل الايديال وهى فقط أختلاف الازواق فى شكل الموديل
وسعر الطقم يبداء من 850 الى 6000تقريبا
واموديلات فى أيديال وديورافيت تسمى بأسماء
مثال من أغلى الطقم فى أيديال
دياجونال***تونك***فينيس** *هريتدج

صرف حوض المطبخ
بخصوص صرف حوض المطبخ طبعا الصرف الكوباية أفضل لميزة ترسيب المخلفات الناتجه عن الاطعمه بالكوبايه وعدم خروجها للصرف الرئيسى وبذلك عند حدوث سدد يتم التعامل مع الكوع من الداخل لوجود السدد بكباية الترسيب وعدم خروجه للخارج والحاجه لسلك تسليك
يتم فك الكوع وغسله بالماء الساخن والصابون وأعادة تركيبه مرة أخرى وتتم هذه العمليه عند الشعور بضعف قوة طرد الصرف
وطبعا أفضل أنواع الصرف الكبايه بالترتيب الالمانى- الاسبانى-الايطالى - التركى ويتراوح سعرهم من 200 جنيه الى 35 جنيه
أفضل أنواع الخلاطات الرخيصة
نوع أسمه جولد وده الطقم المقبض العادى سعره 550 جنيه تقريبا ونوع الهند ميكسر منه 700 تقريبا لكن رجاء أن تبتعد عن الصينى بكل أنواعه وأشكاله المبهرة ليست عمليه بالمر
أفضل طريقه لتركيب البانيو
طبعا بعد السيراميك لكن للاسف الانواع الى بتركب بعد السيراميك غالية الثمن

العزل على البارد :
يجب على السباك أن يدهن قبل تركيب الصرف طبقتين الطبقه الاولى مخففه وذلك لقفل مسام الخرسانه والطبقه الثانيه ثقله وذلك لضمان قفل جميع مسام الارضيه وبعد الصرف الطبقه الاخيره متوسطة وذلك لتأكد من عدم تجريح الارضيه من أعمال الصرف

مواسير المياة
خصوص مواسير المياة 4\3 أفضل طبعا من ال 1\2 بوصه وذلك طبعا لذيادة قوة المياه مع المستقبل البعيد لا نضمن مستوى ضغط المياة بالعمارة والمنطقه ولذلك نفضل ال 3\4 بس بشرط أن يكون داخلة المياه الخاصة بالشقة تكون 3\4 أو أكبر 1 بوصه مثلا لكن لو الداخل للشقه 1\2 بوصة يبقا يكفى أن تكون المواسير الداخلى 1\2 بوصة - بخصوص المواسير والوازم الشريف فهى ممتازة وأيضا مواسير ولوازم ال brفهى أيضا ممتازة ومسمعتش عن موضوع الصينى فى ال br لكن توجد لوازم بولى صناعة صينى وتركى وبصراحة لا أفضلها

الطابق الاتوماتيك والتتش
الاتوماتيك طريقة فتح الطبه الخاصة بالبانيو عن طريق مقبض مثبت بمكان الفايز يتم لفه يمين ويسار لفتح الطبه وطريقة الوصل بينهم عن طريق سلك وير مكسى بجراب من الجلد الطابق التاتش عبارة طبه مثبته بالطابق تفتح وتقفل عن طريق الضغط عليها وهمزة الوصل بينها وبين الطابق عن طريق سوسته استالس تيل - يجب أن نشترى نوع معتمد وأفضلهم الالمانى والايطالى وسعر الالمانى يتراوح من 250 الى 300
أفضل طلمبات رفع مياه موجودة فى مصر
1-كالبيدا أيطالى الوكيل عبدالحميد توفيق ب شارع الجمهورية
2 لوارا أيطالى الوكيل أحمد داوود ب شارع الجمهورية
بصراحة هم أفضل نوعان تم تجرببتهم للخدمة الشاقه
بخصوص القدره الحصانيه يجب ألا معرفة مسافة السحب والطرد يعنى مثلا لو حضرتك هتركب الموتور عند العداد الرئيسى يختلف عن تركيبه عند فرعة المياه المغذيه للشقه وحضرتك عايزه يوصل للشقه مباشرة ولا للخزان بالدور الرابع

الخلاطات الجاكوب ديلافون مصرى فرنسى صناعته محترمه وسعره ارخص من الايديال بس بخصوص الضمان هما مبيجوش يصينو الخلاط عندك انت الى بتوح توديه ليهم بيقوم بالازم وتستلمه كأنه جديد ليهم مكتب فى شارع نخله المطيعى بتريومف
مصر الجديدة اما الخلاط الايديال فصيانتهم محترمه وبمجرد الاتصال بيهم يحددو ميعاد معاك ويجى يصلح عندك بالمنزل

عندي استفسار لو سمحت
انا غيرت مكان البانيو القديم
و اشتريت بانيو ايديال استاندرد اكريلك
المهم السباك كابسه كويس بس من 3 جناب و الارضية
بس الجنب اللي لازق في الحيطة مش كبسه كويس و بيطبل
لما سالته قالي انو معرفش يكبسة لان السيراميك راكب على البانيو
عشان المية اللي نازله من الدش متتسربش بين السيراميك و البانيو

وهو فعلا قطع بالصاروخ في السيراميك بحيث ان البانيو يبقى تحت السيراميك
لان البانيو القديم كان متركب تحت السيراميك كده بس دا كان بانيو زهر

ايه رايك يا باشا في الموضوع ده
وهل التطبيل اللي في الجنب ده يأثر على البانيو
او يعرضه للكسر ولا ايه
مستني رأيك ضروري قبل ما اركب السيراميك
و جزاك الله الجنة
السلام عليكم ورحمة الله وبركاته
طبعا لازم يكبس البانيو بالرمل الناعم بالجانب الثالث بجوار الحائط
طبعا يجب أن يقطع البلاط الى فوق البانيو بالصاروخ بطول البانيو عشان يعرف يكبس كويس
وبعد كده تركب سيراميك تانى حتى ولو لون البلاط مش موجود ممكن تتعمل أى بلاطه لو أخر بس تكون نفس المقاس وممكن تكون لون ساده كأنه حزام أو بلاطات ديكوريه برسومات
بس لازميكبس كويس عشان الاكليرك معرض للكسر بسهوله
ياريت تطمنى عليك

بخصوص التواليت المعلق أفضل الانواع الايديال ستاندر ويليه الديورافيت
أما بخصوص السيفون الدفن الاول الجروهى و الثانى الايديال
ربنا يوفقك

الفلتر
يعتبر أفضلهم الفلتر ال 6 شمعه أو ال 7 شمعه وسعره يتراوح من 1000 الى 1200 وده طبعا أفضل من ال 3 شمعه لأن ال 3 شمعه يعتبر فلتر ترسيب فقط للشوائب الفلتر ال 6 أو 7 مراحل يقوم بعملية معالجه بسيطه للمياه وصيانته حسب حالة المياه بيتم تغيير ال 3 شمعات الموجدين فى مرحلة البدايه لدخول المياه الطقم 3 شمعات فى حدود 45 جنيه وتغيره بيكون كل 3 شهور أما شمعة الممبرين (ro(بتغير كل 18 الى 24 شهر تقريبا وسعرها فى حدود 200 جنيه وعلى فكرة كل الانواع الموجوده فى السوق صناعه صينى وغش التجار يقولك ده كورى أو يقلك أمريكى لكن هما فى الاصل ديزاين أمريكى والصناعه صينى

السيفون
فى مكنة سيفون محترمة وعملية أسمها أسبيك أيطالى وسعرها 65 جنيه بتركب على كل أنواع السيفونات وموجودة ومتوفرة عند محلات الادوات الصحية وأبعد عن التركى والصينى ضعيفه ومتستحملش الشغل
البانيو الاكليرك الى بيركب قبل السيراميك
بيعتمد كلى وجزئى على الصنايعى فى أختبار الصرف وطريقة التركيب لأن البانيو بياخد وقت عن الصاج عشان لازم الفراغ بين البانيو الحائط يتكبس رمل ناعم وبيتم التأكد من أن كل أجزاء البانيو ليست فارغة بالخبط عليها أما البانيو بعد السيراميك بشاسيه فليه مواصفات تانيه
أولا حضرتك هتروح مثلا السلاب هتشوف الموديل الى هيعجبك سواء أيديال أو ديورافيت وتعرف أسم الموديل أيه؟وتطلب من السيلز المندوب الى بيفرجك على البانيو صورة البانيو لعمل السباك الابعاد المطلوبه للصرف ومكان الخلاط لأن كل نوع وموديل ليه مقاسات خاصه بيه
يعنى مثلا مكان خلاط الدش الشائع يا فى المنتصف يا أما فى رأس البانيو الى هو العرض ال 70سم مثلا لأ فى الانواع الى بتركب بعد السيراميك بكون ليه مكان معين فى التصميم عشان الاماكن العريضه فى حرف البانيو ممكن تكون فى المنتصف أو فى رأس البانيووبكده المياه من الخلاط تصب على حرف البانيو
وكل المعلومات دى بتكون موجوده فى الصورة الخاصه بالموديل الى حضرتك تختاره
ثانيا يجب التأكيد على المبلط لـاكد من زوايا الحمام وتسليمها زوايه قائمه عشان البانيو يبقا مخدم على الجنبين كويس وليس مفتوح من زاويه ومضبوط من زاويه هيؤدى لتسرب المياه من خلفه
احسن نوع فى صرف البانيو ...
شفت ايطالى تاتش منه النحاس الخفيف قابل لللى واخر ايطالى بالأكرة عبارة عن 3 قطع نحاس ثقيل ايهما افضل ؟ عموما التاتش افضل ام الاكرة فى الجنب علما بأن البانيو سوف يبنى حوله بالطوب

التاتش أحسن من الاكرة لأن الاكرة الحركة الميكانيكية لفتح الطبه عن طريق واير سلك مع الوقت بيتقل فى الجراب بتاعه ويبوظ أما التاتش الحركه الميكانيكيه لفتح الطبه عن طريق سوسته يمكن تغيرها فى أى وقت قى حالة التلف لذلك أنصحك بالتاتش بس بشرط أن حضرتك تشتريه من مكان مضمون مثل السلاب أو المحجوب عشان السوق مليان بضاعه مضروبه ومقلده
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shababeknet.yoo7.com
Admin
Admin
Admin
avatar

عدد المساهمات : 188
تاريخ التسجيل : 28/03/2012
الموقع : http://shababeknet.yoo7.com

مُساهمةموضوع: رد: كل شئ ع التشطيبات   الثلاثاء أبريل 24, 2018 10:36 am

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shababeknet.yoo7.com
Admin
Admin
Admin
avatar

عدد المساهمات : 188
تاريخ التسجيل : 28/03/2012
الموقع : http://shababeknet.yoo7.com

مُساهمةموضوع: رد: كل شئ ع التشطيبات   الأربعاء يوليو 18, 2018 6:51 am

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shababeknet.yoo7.com
Admin
Admin
Admin
avatar

عدد المساهمات : 188
تاريخ التسجيل : 28/03/2012
الموقع : http://shababeknet.yoo7.com

مُساهمةموضوع: رد: كل شئ ع التشطيبات   الأربعاء يوليو 18, 2018 7:01 am

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shababeknet.yoo7.com
 
كل شئ ع التشطيبات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شبابيك نت :: Նะۣۨ »(¯`·.__.·´¯)«منتدى الشبكات والميكروتك والراوترات والسيرفرات Նะۣۨ »(¯`·.__.·´¯)«Նะۣۨ :: Նะۣۨ »(¯`·.__.·´¯)Ն«منتدى النقاش العام والاقتراحات والطلبات ะۣۨ »(¯`·.__.·´¯)«Նะۣۨ-
انتقل الى: